「寫給台灣的情書 Dear Taiwan,」特展開幕致詞稿（台文，附中譯）
周婉窈
逐家午安。
今仔日（2026/7/26）是「予台灣的情書 Dear Taiwan,」展覽的第一工，這个名稱予我想起我的黨外運動的知己，林世煜Michale佮胡慧玲翁仔某，20冬前in捌經營一个blog，就叫做「寫給台灣的情書」，這个號名，和咱今仔日的展覽真仝。這是文學性的比喻，就是共台灣這个所在當做上愛的人，用行動、用性命來愛伊、來保護伊，咱的每一改的動作，就若親像寫一張批予愛人仔，表示咱對伊的愛。這是咱台灣人一百冬來一致的感情佮志氣。
今仔日我用台語來致詞，是有用意的。台語佇日本時代，佇戰後到1990年代，攏是台灣社會的通用語佮抵抗的語言。台灣文化協會不管是演講，抑是夏季學校，In用的語言就是台語，毋是in袂曉講日語，in真濟人攏去日本讀大學，日文真好；黨外時代，台語就是通用語、就是抵抗的語言。華語是戰後，外來統治者嘛是殖民者帶入來台灣的，81冬後煞變做台灣人的語言，對這，咱若無反省，咱敢會同情香港的廣東話未來會消失？咱敢會認為中國強迫Tibetans佮Uyghurs講普通話是真可怕的壓迫？
面對中國的併吞、侵略，咱需要有和中國區別的物件。你若有佇咧關心烏克蘭、波蘭，以及波羅的海三國，你就知影語言、歷史、文化是國防的前線。佇咧民間，台語就是真親切的語言，會當直接連結著鄉土、這个土地頂頭的人佮歷史。希望咱會當共這个通用語嘛是抵抗的語言講倒轉來。
今仔日726是舊年大罷免第一梯次投票的一周年，第二梯次是823。這兩个日子，相信逐家攏會記牢牢。大罷免當然是無過，毋過，伊是失敗抑是成功，這是要靠未來的歷史來決定。咱未來若成功，舊年的726、823就是兩个真重要的坎站。為著大罷免的努力袂烏有去，咱一定要繼續奮鬥，一直要奮鬥到台灣成做一个真正的國家。
我有參與黨外運動真深的師長，認為大罷免是第二改的黨外運動。我嘛認為大罷免志工所展現的，就是黨外運動的精神：拚生拚死，無惜一切，攏是為咱台灣！
大罷免若是第二改的黨外運動，那有一年就結束的？咱這馬猶閣佇咧奮鬥，敢毋是？這个展覽嘛是咱的努力的一部分，敢毋是？自訓團、民防團，攏是大罷免的延續，敢毋是？
毋過，這馬的局勢真危險，咱要有這个覺悟：戰爭早就開始矣！中華民國立法院佇2024年就淪陷矣，已經成做中國侵略台灣的橋頭堡。咱若無面對「戰爭已經開始矣」這个現實，咱就輸一半矣。
由三一八到大罷免，真濟人愛喝「國民黨無倒，台灣就袂好」。其實咱要進一步了解：中華民國毋是台灣，ROC≠TW， 台灣才有活路。若無，你無可能講傅崐萁、翁曉玲、王鴻薇、徐巧芯、馬文君等人是「叛國」，根據中華民國憲法佮體制，in無背叛in的國，in是「叛台」，是背叛台灣、出賣台灣。這點你若分會清楚，你就知影咱的困局佇佗位，知影咱一定要由根本來解決台灣的問題。
最後，我欲講：台灣人遐爾仔優秀，遐爾仔有才調，啥物攏有，就是欠一个國家。咱台灣人，值得一个真正的國家！以上。
咱繼續做伙拍拚！！
直播影片連結在這裡，作者的致詞約於1:1:04:19處起：https://www.youtube.com/watch?v=7fcYo_0vdLg
中譯：
大家午安。
今天（2026/7/26）是「給台灣的情書 Dear Taiwan,」展覽的第一天，這個名稱讓我想起我的黨外運動的友人，林世煜Michale與胡慧玲夫妻，20年前他們曾經營一個blog，就叫作「寫給台灣的情書」，這個名稱，和我們今天的展覽很像。這是文學性的比喻，就是將台灣這個所在當做最愛的人，用行動、用性命來愛她、來保護她，我們每一次的動作，就像是寫一張信給愛人她，表示我們對她的愛。這是我們台灣人一百年來一致的感情與志氣。
今天我用台語來致詞，是有用意的。台語在日本時代，在戰後到1990年代，都是台灣社會的通用語與抵抗的語言。台灣文化協會不管是演講，還是夏季學校，他們用的語言就是台語，不是他們不會講日語，他們很多人都去日本讀大學，日文很好；黨外時代，台語就是通用語、就是抵抗的語言。華語是戰後，外來統治者也是殖民者帶來台灣的，81年後竟然變成台灣人的語言，對此，我們若無反省，我們會同情香港的廣東話未來會消失嗎？我們會認為中國強迫Tibetans佮Uyghurs講普通話是很可怕的壓迫嗎？
面對中國的併吞、侵略，我們需要有和中國區別的東西。你若有在關心烏克蘭、波蘭，以及波羅的海三國，你就會知道語言、歷史、文化是國防的前線。在民間，台語就是很親切的語言，能夠直接連結鄉土、這個土地上面的人及其歷史。希望我們能夠將這個通用語也是抵抗的語言講回來。
今天726是去年大罷免第一梯次投票的一周年，第二梯次是823。這兩個日子，相信逐家都會牢牢記住。大罷免當然是沒過，不過，它是失敗還是成功，這是要靠未來的歷史來決定。我們未來若成功，去年的726、823就是兩個很重要的坎站（階段）。為了大罷免的努力不會化為烏有，我們一定要繼續奮鬥，一直要奮鬥到台灣成為一個真正的國家。
我有參與黨外運動很深的師長，他認為大罷免是第二次的黨外運動。我也認為大罷免志工所展現的，就是黨外運動的精神：拼死拼活，不顧一切，都是為了我們台灣！
大罷免若是第二次的黨外運動，哪有一年就結束的？我們現在還在奮鬥，不是嗎？這個展覽也是我們努力的一部分，不是嗎？自訓團、民防團，都是大罷免的延續，不是嗎？
不過，現在的局勢很危險，我們要有這個覺悟：戰爭早就開始了！中華民國立法院在2024年就淪陷矣，已經成為中國侵略台灣的橋頭堡。我們若不面對「戰爭已經開始了」這個現實，我們就已經輸一半。
從三一八到大罷免，很多人愛喊：「國民黨不倒，台灣不會好」。其實我們要進一步了解：中華民國不是台灣，ROC≠TW， 台灣才有活路。不然，你沒辦法講傅崐萁、翁曉玲、王鴻薇、徐巧芯、馬文君等人是「叛國」，根據中華民國憲法和體制，他們沒有背叛他們的國，他們是「叛台」，是背叛台灣、出賣台灣。這點你若分得清楚，你就了解我們的困局在哪裡，知道我們一定要從根本來解決台灣的問題。
最後，我想說：台灣人這麼優秀，這麼有才華，什麼都有，就是欠一個國家。我們台灣人，值得一個真正的國家！以上。
我們繼續一起打拼！！
